Listi Kamili Ya Washindi Wa MTV Mama awards 2015, wako hapa wote 17 akiwemo na Diamond Platnumz

WASHINDI WA  TUZO ZA MTV MAMA 2015 AFRICA MUSIC AWARD :

Best Female: Yemi Alade (Nigeria)
Best Male: Davido (Nigeria)
Best Group: P-Square (Nigeria)
Best New Act Transformed by Absolut: Patoranking (Nigeria)
Best Hip Hop:  Cassper Nyovest (South Africa)
Best Collaboration: AKA, Burna Boy, Da LES & JR: “All Eyes On Me” (SA/Nigeria)

Song of the Year: Mavins: “Dorobucci” (Nigeria)
Best Live: Diamond Platnumz (Tanzania)
Video of the Year:  “Nafukwa” – Riky Rick; Director: Adriaan Louw
Best Pop & Alternative: Jeremy Loops (South Africa)
Best Francophone: DJ Arafat (Ivory Coast)
Best Lusophone: Ary (Angola)



Personality of the Year:  Trevor Noah (South Africa)
MAMA Evolution: D’Banj (Nigeria) 
Best International: Nicki Minaj
Artist of the Decade: P-Square
MTV Base Leadership Award: Saran Kaba Jones & S’Bu Mavundla

Samsung yazindua simu nyembamba zaidi

Samsung yazindua simu nyembamba  Kampuni ya Samsung imezindua simu yake nyembamba zaidi aina ya smartphone kufikia sasa.

 

 

 

 

 

 

 

 

 

 

Simu hiyo kwa jina Galaxy A8 ina upana wa milimita 5.9 ikiwa ni wembamba wa asilimia 85 ikilinganishwa na simu ya Galaxy S6 Edge.

Licha ya wembamba huo waandisi wameweza kuiweka betri pamoja na kamera yenye uwezo wa mega pikseli 16

Mmoja ya wataalam aliuliza swali la muhimu wa kutengeza simu nyembamba,Kwa sasa Samsung imetangaza kwamba simu hiyo itauzwa nchini Uchina na Singapore.''Galaxy A8 haitauzwa nchini Uingereza'' alisema msemaji wake.Ijapokuwa itakuwa simu nyembamba zaidi kutoka kwa mojwapo ya kampuni kubwa ,kampuni nyengine za Uchina tayari zimeanza kuuza simu kama hizo.

            

 

Ibada ya Eid yakumbwa na milipuko Nigeria

Jeshi nchini Nigeria linasema kuwa takriban watu 9 wameuawa kwenye mashambulizi mawili ya kujitoa mhanga kwenye mji ulio kaskazini mashariki mwa nchi wa Damaturu.

Wanasema kuwa washambuliaji wote walikuwa ni wanawake , mmoja mwenye mri mkubwa na mwingine mwenye umri wa miaka kumi.

Ripoti zingine zinasema kuwa idadi ya waliokufa ni kubwa

Mashambulizi mengine yalifanyika kwenye maombi ya kusherehekea siku kuu ya Eid ul Fitr ya kumaliza mwezi mtukufu wa Ramadhan

Mashambulizi kama hayo hulaumiwa kwa kundi la kiislamu la Boko Haram ambalo limeongeza mashambulizi yake tangu rais Muhammadu Buhari aingie madarakani

 

Majeruhi wanane urais CCM       

Kwa ufupi

• Sasa hawataweza kusubiri miaka kumi mingine kuwania tena kuingia Ikulu
• Wasomi  wachambua hatima yao kisiasa baada ya wengi wao kuaga majimbo

Lowassa

Mchakato huo wa urais wa CCM ulitawaliwa na jina la Lowassa, ambaye alikuwa akipewa nafasi kubwa ya kuteuliwa baada ya harakati zake za kusaka wadhamini kuhudhuriwa na maelfu ya watu kuthibitisha kauli ya Rais Jakaya Kikwete kuwa chama hicho kingechagua mtu anayekubalika ndani na nje ya CCM.

Lakini hakumudu kuingia tano bora na hivyo kuacha mgogoro mkubwa uliosababisha wajumbe wa Halmashauri Kuu kumuimbia Kikwete wimbo ulioonyesha kuwa wana imani na mbunge huyo wa Monduli.

Majeraha kwa waziri huyo mkuu wa zamani, pia yanaonekana kwenye kauli ambazo zimekuwa zikitolewa na Kingunge Ngombale Mwiru ambaye alikuwa mstari wa mbele kumnadi na ambaye ameeleza wazi kuwa viongozi wa CCM walikula njama kumuengua.

Lowassa (62) pia alijitosa kwenye mchakato huo mwaka 1995 alipokwenda kuchukua fomu pamoja na Kikwete, lakini jina lake likaenguliwa.

Dk Bilal

Kada mwingine anayeonekana kuachwa akiwa na majeraha makubwa ni Dk Bilal, ambaye ni Makamu wa Rais. Bilal amepoteza nafasi ya kuendelea kushika nafasi hiyo baada ya mteule wa CCM, Dk John Magufuli kumpendekeza Samia Salim Suluhu kuwa mgombea mwenza. Kwa makamu wa Rais kutoingia tano Bora ni pigo kubwa.

Dk Gharib (70) aligombea urais wa Zanzibar mwaka mwaka 2010 na kushindwa, lakini CCM ikamteua kuwa mgombea mwenza wa Kikwete baada ya Dk Mohamed Shein kuteuliwa kugombea urais wa Zanzibar. Atakuwa akiuguza majeraha kwa kuwa mtu wa kwanza kushikilia nafasi hiyo kwa kipindi kimoja tangu siasa za ushindani zirejeshwe nchini.

Membe

Kundi lililoachwa na majeraha pia linamjumuisha Membe, Waziri wa Mambo ya Nje na Ushirikiano wa Kimataifa, ambaye ameaga sehemu mbalimbali alizokuwa zikimhusu kutokana na kazi yake ya kisiasa na hasa jimboni kwake ambako tayari Katibu Mwenezi wa CCM, Nape Nnauye ameshachukua fomu.

Membe (62) amefanya wizara hiyo kwa takriban miaka minane na alikuwa mmoja wa makada waliokuwa wanapewa nafasi kubwa. Alipenya kwenye tano bora, lakini akashindwa vibaya kwenye kura za wajumbe wa Halmashauri Kuu na sasa atakuwa akitafakari upya hatma yake kisiasa.


Pinda

Waziri Mkuu, Pinda naye ameachwa na majeraha. Ameingia kwenye orodha ya watu walioshika cheo hicho na ambao wamejaribu kuwania urais na kuenguliwa mapema.

Machungu ya kuenguliwa Pinda (67) pia yanatokana na ukweli kuwa alikuwa mtendaji mkuu wa Serikali na hivyo ilikuwa rahisi kushauriwa kutojiingiza kwenye mchakato kama hakuwa na nafasi hata ya kuingia tano bora.

Mbunge huyo wa Katavi ameshatangaza kuachia jimbo hilo na baada ya matokeo hayo, mustakabali wake utategemea busara ya viongozi wa Serikali ya Awamu ya Tano.

Profesa Mwandosya

Mchakato huo pia umeacha jeraha katika jaribio la pili la Profesa Mwandosya, ambaye ni Waziri wa Nchi, Ofisi ya Rais (Kazi Maalumu), la kuwania urais baada ya mwaka 2005 kushika nafasi ya pili nyuma ya Kikwete aliyeongoza na Dk Salim Ahmed Salim.

Profesa Mwandosya, kama baadhi ya makada walioenguliwa, ameshatangaza kutogombea ubunge Jimbo la Rungwe Mashariki, hali ambayo imesafisha njia ya kuelekea kustaafu siasa baada ya kushindwa kwenye mbio za urais.

Sitta

Spika huyo wa Bunge la Tisa na pia Mwenyekiti wa Bunge la Katiba, anaingia kwenye orodha ya majeruhi wa mchakato wa urais wa CCM baada ya kujiandaa kwa muda mrefu kuwania nafasi hiyo.

Sitta alisema bayana wakati alipochaguliwa kuongoza chombo hicho cha kihistoria cha kuandika Katiba kuwa atatumia uspika wake kutengeneza mazingira ya kuteuliwa na CCM kugombea urais.

Lakini naye hakupenya hata kwenye tano bora na inaelekea hatua inayofuata ni kwenda Tabora kutetea jimbo lake.

Akiwa na umri wa miaka 73, mwanasiasa huyo mkongwe sasa hana nafasi ya kugombea tena urais baada ya miaka 10 atakapokuwa na umri wa zaidi ya miaka 80.

Sumaye

Waziri Mkuu huyo wa Serikali ya Awamu ya Tatu, atakuwa akiuguza majeraha ya kupoteza nafasi ya kuteuliwa kwa mara ya pili baada ya jaribio lake la kwanza mwaka 2005 kugonga mwamba.

Alishaachana na siasa za majimbo tangu mwaka 2005 baada ya kukosa urais na akiwa na umri wa miaka 65, haiyumkini kuingia tena kwenye mbio za urais mwaka 2025.

Wasira

Waziri huyo wa Kilimo, Chakula na Ushirika, alitangaza awali kuwa asingegombea ubunge wa Bunda, lakini akabadilisha uamuzi huo licha ya kuingia kwenye mbio za urais. Wasira, ambaye mwaka huu ametimiza miaka 70, atakuwa akiwania kurejea bungeni akipambana na mwanasiasa kijana ndani ya CCM, Esther Bulaya.

 “Ni wazi kwa waliokuwa na matumaini makubwa ya kushinda ni pigo sana kuangushwa. Hata matamshi yao yalikuwa wazi kuwa walikuwa na uhakika hata walidiriki kusema ‘jina langu halitakatwa’ na mbio zao za kutafuta wadhamini zilikuwa ni za kishindo,” alisema Profesa Gaudence Mpangala, Mhadhiri wa Chuo Kikuu cha Ruaha (Ruco).

Profesa huyo wa masuala ya siasa na utawala, alisema kwa hali ya kawaida wagombea hao wameathirika kisaikolojia, hivyo hata wale waliokuwa wametangaza kutogombea wanaweza kubadili msimamo na kurudi kutetea majimbo yao.

“Magufuli akipata urais anaweza kuwafikiria hata uwaziri na iwapo upinzani watashinda, hali yao kisiasa ndiyo basi tena. Siasa siyo kazi ya kudumu, bali ni ya muda tu wa kuwatumikia wananchi ukimalizika, unastaafu.”

Hivi ndivyo walivyopokelewa bayer Munich Beijing

Klabu ya Bayern Munich imesafiri kwa muda wa masaa tisa kutoka Ujerumani hadi  China kwa ajili ya kuweka kambi ya maandalizi ya msimu mpya wa Bundesliga, huo huwa ni utaratibu wa vilabu vingi duniani. Story hapo mtu wangu si kuweka kambi Beijing ila ni mapokezi walioyapata mtu wangu ilichukua dakika zisizopungua 30 tu umati wa watu unaokadiriwa kufikia 1000 kukusanyika wakiwapokea huku wakiombwa kusainiwa vitabu vyao vya kumbukumbu autographs.

Watu wengi wanaohudhururia mazoezi yao, uwanja unafurika kama kuna mechi. Mashabiki wamekuwa wakiomba kupiga picha na wachezaji, lakini pia wachezaji hawakuwa nyuma kuchukua kumbukumbu zao kwa kupiga picha kwa kutumia simu zao. Wachezaji kama Philipp Lahm,Manuel Neur na wengine wamekiri kitu kama hicho hutokea mara chache tu. walivyopokelewa beijiing

Mtanzania mwingine kwenye headlines za soka Ulaya

 

 

Charles Misheto anaingia katika headline tena ya kuongeza idadi ya wachezaji wa kitanzania wanaocheza soka la kulipwa nje ya mipaka ya Tanzania, taarifa hiyo inakuja ikiwa ni siku chache tu toka aliyekuwa beki wa Simba B Emily Mugeta kujiunga na klabu ya Neckarsulm ya nchini Ujerumani inayoshiriki ligi daraja la tano.

Charles Misheto amejiunga katika klabu ya Rabestein ya Ujerumani inayoshiriki Ligi daraja la nne kwa mkataba wa miaka miwili… Hii sio mara ya kwanza kwa Charles kucheza soka nchini humo, aliwahi kucheza katika klabu ya Melbtiz ya nchini humo.

Hata hivyo Charles amewahi kuichezea klabu ya Stand United ya Shinyanga na inashiriki ligi kuu Tanzania bara.

“Ingawa awali nilikuwa nafanya majaribio na timu nyingine, lakini sasa nimefanikiwa kusajiliwa na timu nyingine ya daraja la nne ambayo ilianza kuniwania”>>>> Charles

“Nilikuja hapa, nikafanya nao mazoezi kwa siku mbili, baada ya hapo wamekubaliana na uwezo wangu tumesaini mkataba”>>> Charles

Hii ni habari njema kwa watanzania wote wapenda soka na maendeleo hivyo anaingia katika orodha ya baadhi ya wachezaji wa kitanzania wanaocheza soka nje ya nchi, baadhi yao kama Abdi Kassim anayecheza Malaysia na Mwinyi Kazimoto anayecheza Qatar .

Said Fella achukua fomu za kuwania Udiwani wa Kilungule,...

 

 

Mkurugenzi wa Yamoto Band na Wanaume Family, Said Fella aka Mkubwa Fella alionesha mapema kabisa leo July 15 amechukua fomu ya kugombea udiwani wa katika mtaa wa Kilungule, Wilaya ya Temeke Dar es Salaam.

Said Fella ameamua kuchukua fomu hiyo na kugombea nafasi hiyo ili aweze kutatua kero za wakazi wa kata ya Kilungule na kuleta maendeleo katika Kata hiyo.

“Nimeamua kuchukua nafasi hii ili kutatua kero za kata yangu, hapa kuna shida ya maji na barara naamini nikiwa Diwana nitaweza kuonana na wakubwa wa nchi uso kwa macho na kuweza kuelezea shida za kata yangu, chamsingi ni kuleta maendeleo“ – Said Fella.

 

 

 

.

.

Mandalizi ya ziara ya Obama Kenya yapamba moto

 

Uwanja wa Ndege wa Jomo Kenyatta umekuwa busy sana zaidi hata ya ambavyo ulikuwa sik

Ndege kubwa ya Kijeshi ikiwa Uwanja wa Ndege wa Jomo Kenyatta, Nairobi Kenya.

 unaambiwa kila siku hakukosekani stori kutoka Nairobi Kenya kuhusu ugeni wa Rais Obama.

 

Usalama kwanza, YES.. Marekani hawana utani kabisa na Usalama wa Rais wao, zinashuka ndege kila siku pamoja na makundi ya watu wa Usalama ili kuhakikisha mpaka Rais Obama anatua hali inakuwa shwari japo kumekuwa na mashambulio mengi sana yanayohusiana na matukio ya Ugaidi.

Imetua ndege kubwa ya Kijeshi na vifaa vingine vingi zaidi.

Msafara wa gari zilizoshushwa kwenye ndege hiyo.

Kwa mbali unaonekana msafara wa gari kutoka Uwanja wa Ndege wa Jomo Kenyatta.

50 CENT AMEFILISIKA...

RAPA 50 Cent ameandikisa kurasa 11 juu ya kufilisika kwake katika Mahakama ya Connecticut leo.
Katika karatasi zilizowasilishwa mahakama ya Wafilisika mjini Hartford, Conn., rapa huyo ambaye jina lake halisi ni Curtis James Jackson III ameripoti mali zake na madeni ambavyo ni dola za Kimarekani kati ya Milioni 10 na Milioni 50 kwa mujibu wa WTIC.
Wiki iliyopita, Mahakama ya New York ilimtaka Jackson kulipa dola Milioni 5 kwa mwanamke aliyemshitaki kwa mkanda wa ngono.
Jackson anamiliki 50 Poplar Hill Drive mjini Farmington, kwa mujibu wa takwimu za kodi, iliyo umbali wa maili 10 kutoka Hartford. 
Jengo hilo limetiwa mnadani kwa miaka sasa, lakini kwa sasa halina soko. Kwa mujibu wa Zillow, nyumba hiyo ina vyumba 21 vya kulala, mabafu 25, na ukubwa wa mita 48,515

Sunday Oliseh kuinoa Super Eagles

Oliseh anachukua mikoba ya Stephen Okechukwu Keshi ambaye alitimuliwa mwanzoni mwa mwezi huu.
Akizungumza na RDP online Oliseh amejigamba kwa kusema, "Tuna vipaji vya kuleta mabadiliko, kurejesha heshima ambayo tuliwahi kuwa nayo. Kwa mpira wa Afrika hii ni kazi kubwa lakini Kwa kushirikiana na kila mtu Super Eagles watapaa tena"

Hata hivyo katika kibarua chake hicho cha ukocha Oliseh atasaidiwa na mbeligiji Jean Francois Losciuto wakati huu kikosi hicho kikiwa kunajkupambana na Tanzania mapema mwezi wa Septemba mwaka huu katika michuano ya kufuzu ya mataifa ya Afrika

Pichaz jinsi mastaa wa Chelsea walivyotua Canada tayari kwa maandalizi ya ligi kuu…

Chelsea ndio mabingwa wa ligi kuu ya England msimu uliomalizika..saa hivi tayari wameanza maandalizi ya kutetea ubingwa wao kwa mara nyingine na wameamua kusafiri hadi Canada kwa ajili ya kuanza maandalizi ya msimu mpya wa ligi hiyo.

Hapa kuna Pichaz 10 jinsi wachezaji walivyowasili Canada…

  

 

 

 

 

 

 

 

 

Chelsea nao wametambulisha jezi zao watakazotumia msimu huu

 

 

 

 

 

 

 

Tukiwa tunasubiri kuanza kwa Ligi Kuu Uingereza msimu ujao vilabu kadhaa vimekuwa vikitangaza jezi za mechi za nyumbani na ugenini… Mara nyingi jezi zao huwa hazibadiliki rangi kinachobadilika ni muundo tu wa jezi na wakati mwingine nembo ya mdhamini kutegemeana na Mkataba ambao Klabu wanao.

Sababu mojwapo inayofanya vilabu vingi vikubwa duniani kubadili muundo wa jezi kila msimu, ni kusaidia klabu iweze kufanya biashara ya mauzo ya jezi kwani mashabiki wengi wa soka barani Ulaya huwa wanajivunia kuvaa na kumiliki jezi orijino ya klabu anayoipenda.

Shabiki wa klabu husika anaona fahari kuvaa jezi orijino na anajivunia pia, kuna vilabu ambavyo vimeshatangaza aina ya jezi watakazotumia msimu ujao ikiwemo Arsenal na sasa ni zamu ya Chelsea mtu wangu, nimekuwekea video ya jezi za Chelsea watakazotumia msimu ujao kwa mechi za  nyumbani

Historia ya John Magufuli wa CCM

 



 

Chama tawala nchini Tanzania Chama Cha Mapinduzi (CCM) kimemtangaza daktari John Magufuli kuwa mgombea wake wa kiti cha Urais katika uchaguzi mkuu wa ujao.

Daktari John Magufuli, alisajili asilimia 87 % ya kura za wajumbe, hiyo ikiwa ni kura 2104.
Daktari John Magufuli, aliwashinda wapinzani wake Bi Amina Salulm Ali na dakta Asha-Rose Migiro.

Magufuli ni Nani?
Lakini je Daktari John Magufuli ni Nani?

 

 

Mgombea wa urais wa chama cha CCM katika uchaguzi mkuu wa mwaka wa 2015 Daktari John Pombe Joseph Magufuli ni mbunge wa jimbo la Chato lililoko mkoa wa Geita na ni waziri wa ujenzi wa Tanzania.

Alizaliwa tarehe 29 Oktoba 1959 wilayani Chato Mkoani Kagera.
Kielimu, daktari Magufuli ana Stashahada ya elimu ya sayansi akibobea kwenye masomo ya Kemia, Hisabati.
Mgombea huyo wa urais ana shahada ya umahiri wa Sayansi na shahada ya uzamivu ya kemia.
Aidha daktari Magufuli amewahi kufundisha katika shule ya sekondari Sengerema miaka ya themanini kisha akajiunga na mafunzo ya JKT .
Alizaliwa Oktoba 1959



Alipohitimu, daktari Magufuli na aliaanza kufanya kazi katika kiwanda cha ‘Nyanza Cooperative Union akiwa Mkemia kabla ya kuondoka hapo na kuwania ubunge.
Magufuli alianza mbio za ubunge mwaka 1995 katika jimbo la Chato na kushinda kisha akateuliwa na Rais Benjamin Mkapa kuwa naibu waziri wa Miundombinu.
Katika uchaguzi wa Mwaka wa 2000 pia aligombea ubunge na kushinda na Rais Mkapa akamteua kuwa Waziri wa miundombinu.
Alianza siasa mwaka 1995
Katika uchaguzi wa mwaka 2005 daktari Magufuli aligombea ubunge kwa mara ya tatu na kupita bila kupingwa.
Rais Kikwete alimteua kuongoza wizara ya Ardhi, nyumba na maendeleo ya makazi na baadaye akamhamishia hadi wizara ya Mifugo na uvuvi


Mwaka 2010 alichaguliwa kuwa mbunge kwa mara ya nne na Rais Kikwete alimrudisha katika Wizara ya Miundombinu na ujenzi.
Daktari Magufuli anachukuliwa kuwa ni mwanasiasa mwenye msimamo thabiti, mchapa kazi na asiye yumbishwa au hata kufuata upepo wa kisaisa.
Anatambulika kuwa Mchapa kazi
Watanzaniania wanamkumbuka kwa usimamizi na ujenzi wa barabara na majengo thabiti.
Anakumbukwa kwa kuchukua hatua za kutoa amri za kubomolewa kwa majengo ya kifahari ambayo alihisi yalikiuka sheria za ujenzi.

Na alipokuwa waziri wa Maendeleo ya Mifugo, Bwana John Magufuli alikwenda hadi bandari ya Dar-es-Salaam na kuizuia meli ya wachina iliyokuwa inashukiwa kufanya uvuvi haramu katika sehemu ya bahari ya Tanzania.

 

Sterling Ajiunga rasmi manchester city

 

 

 

Baada ya kuvunja rekodi ya uhamisho kutoka Liverpool kwenda Manchester City Mshambuliaji Raheem Sterling amethibitisha kuwa na furaha kubwa baada ya kujiunga na klabu hiyo.

“Najisikia vizuri, ni wakati furaha kwangu na familia yangu… kitu kinachofurahisha zaidi ni kuwa katika kikosi bora cha kiwango cha dunia tulichonacho, tunajua  tuna kikosi mahiri cha kushinda mataji ndani na nje ya nchi. Namna wachezaji wenye ubora wanavyokuzunguuka ndio zaidi uwezo wako unavyokuwa, nasubiri kwa shauku kucheza pamoja nao”>>> Raheem Sterling.

Winga huyo amesaini Mkataba wa miaka mitano wenye thamani ya pound milioni 49 na atakuwa akipokea pound 180,000/= kwa wiki ambazo ikibadilishwa kuwa hela ya Kibongo ni kama Tshs Milioni 570 hivi.

Raheem amekuwa Liverpool kwa miaka mitano toka pale alipojiunga nayo mwaka 2010 akitokea QPR kwa dau la pound 600,000/=… Jamaa kaacha rekodi nzuri Liverpool, amecheza jumla ya mechi 129 na kufunga mabao 23.

 

Kwenye viwanja vya World cup 2018 ndani ya Russia viko na hivi vitano….(Pichaz)

Kombe la dunia linatarajia kufanyika mwaka 2018 na tayari Shirikisho la soka duniani FIFA limeitangaza nchi ya Russia kuwa wenyeji wa michuano hiyo mikubwa zaidi duniani.

Tayari Russia imeanza maandalizi kwa ajili ya mashindano hayo na viwanja vitakavyotumika vimeanza kujengwa katika maeneo mbalimbali.

Brazil ndio walikuwa wenyeji wa fainali zilizopita ambapo bingwa alikuwa Ujerumani

 

Uwanja wa Fisht Stadium uliopo mji wa Sochi, Russia

 

 

 

 

 

 

 

 

 

 

 

 

 

 

 

 

 

Hizi ndio sababu za CUF kutoshiriki Mkutano wa UKAWA Dar es Salaam

 

 

 

Ziko stori nyingi toka jana mitandaoni, wapo waliopata taarifa pia kwamba chama cha CUF kimejitoa kwenye Umoja wa UKAWA, lakini hakuna msemaji rasmi aliyezungumzia ishu hiyo.

UKAWA jana walikutana na Colosseum Hotel Dar, katika moja ya post zilizowekwa kwenye Ukurasa wa @Twitter wa Chama cha CHADEMA waliandika kwamba Mjadala wao haukuhusu nafasi ya Mgombea Urais pekeake ila ilikuwepo ishu ya Majimbo 26 ambayo NEC walitangaza kwamba yameongezwa kwenye Uchaguzi mwaka huu.

 

 

Magazeti ya leo July 15 2015 yana headlines pia kuhusu stori ya UKAWA kuamua kwamba watamtangaza Mgombea wao ndani ya wiki moja kuanzia sasa.. Ukurasa wa @Twitter wa Gazeti la MWANANCHI wameandika pia mwendelezo wa hiyo stori kuhusu ishu ya Viongozi wa CUF kutoshiriki kwenye Mkutano wa UKAWA jana.

Tweet1 >>>> “Mkutano wa #CUF na waandishi umeanza hivi sasa katika Makao Makuu ya #CUF kuelezea kinachoendelea ndani ya #Ukawa”
Tweet2 >>>> “#Sakaya: CUF hatukuweza kushiriki katika kikao cha jana kutokana na sababu za kikatiba ndani ya chama #MaamuziUkawa, #MkutanoCUF”
Tweet3 >>>> “#Sakaya: Maamuzi magumu ya chama huamuliwa na vikao vya maamuzi ndani ya chama, tunaendelea na vikao vya ndani ili kuwa na maamuzi ya pamoja”
Tweet4 >>>> “#Sakaya: Hatujasusia au kujitoa #Ukawa, hizo taarifa ni za uzushi na uongo, tumeona tuweke mambo ya chama vizuri ili tuende tukiwa wamoja”

 

FIFA:Platini asema hatampinga Blatter

Michel Platini amewaambia wajumbe wa bara Uropa kuwa hatampinga Blatter katika uchaguzi wa urais wa FIFA mwakani

Rais wa shirikisho la soka barani Uropa Uefa Michel Platini hatompinga Sepp Blatter katika kura za kuwania rais wa FIFA mwakani.

Rais huyo wa UEFA ambaye ni raiya wa Ufaransa mwenye umri wa miaka 59 alikuwa ameonesha niya ya kumpinga Blatter lakini leo amewaambia wajumbe wa UEFA huko Monte Carlo kuwa anataka kuihudumua UEFA kikamilifu.

Mwanakamati wa Fifa Michel D'Hooghe alisema '' ni jambo la kutoa moyo kwani inamanisha kuwa mwaka huu hatutakuwa na ubishi kati ya UEFA na FIFA''Platini amewambia wajumbe hao 54 kuwa licha ya yeye kutaka kuwe na ''hewa safi katika FIFA'' anapendekeza kujitolea kimasomaso katika uongozi wa UEFA.

Blatter, 78,ameongoza FIFA tangu mwaka wa 1998, lakini amekumbwa na upinzani mkubwa baada ya kuibuka tuhuma za hongo katika uwenyeji wa kombe la dunia la mwaka wa 2022.

Rais wa Fifa Blatter akizungumza na Michel Platini

Joto la kisiasa katika FIFA lilipanda majuzi baada ya Blatter kutangaza kuwa atawania nafasi ya kuongoza FIFA kwa mhula wa tano.

Kujiondoa kwake sasa kunamwacha Blatter akikabiliana na aliyekuwa katibu mkuu wa FIFA wa zamani Jerome Champagne.

Wagombea wanapaswa kutangaza niya yao kuanzia Januari 2015 hata hivyo Platini atalazimika kusubiri hadi baada ya miaka mingine minne ilikuwania urais mwaka wa 2019.

Platini, aliiongoza Ufaransa kutwaa taji la Uropa mwaka wa 1984.

Ameiongoza Uefa tangu mwaka wa 2007.

Anatarajiwa kuiongoza Ufaransa kupanga na kuandaa mchuano wa Euro 2016 mbali na makala ya mwaka wa Euro 2020 .

Hodgson:England haijapoteza uelekeo

Kocha wa England Roy Hodgson

Kocha wa timu ya Taifa ya England Roy Hodgson amesema England haijapoteza uelekeo wakati ikijiandaa na michuano ya kombe la ulaya mwaka 2016, na kuelekea kampeni za kufuzu kushiriki michuano hiyo, kampeni zitakazoanza mwezi ujao.

England ambayo ilishindwa kufanya vizuri kwenye michuano ya kombe la dunia katika hatua ya makundi itaanzia kampeni yake ugenini kwa kupambana na Switzerland tarehe 8 mwezi Septemba.

Katika katika kundi iliyopangwa, England itapambana na timu za Slovenia,Estonia, Lithuania na San Marino.

Hodgson amesema ana matumaini kuwa watafanya vizuri.

England imeshuka kiwango cha ubora vya fifa mpaka nafasi ya 20th baada ya kuchemka nchini Brazil walipopoteza mchezo dhidi ya Italia na Uruguay, kabla ya kupata pointi dhidi ya Costarica ambapo tayari walikuwa wametolewa.

Man Utd licha ya kususua sua yapata mapato mazuri

Manchester Utd ilipata faida kubwa licha ya kushindwa uwanjani.

Timu ya Manchester United imeripoti faida ya asilimia 20 katika kipindi cha msimu huu ambao haikunawiri uwanjani .

Katika kipindi cha miezi mitatu ya mwisho wa msimu huu The Red Devils walisajili faida ya pauni milioni 11 ikilinganishwa pauni milioni 3.6m iliyopata mwaka tangulia.

Aidha timu hiyo ilipata jumla ya pauni milioni 115.5 katika msimu uliopita asilimia kubwa ya faida hiyo ikipatikana kutoka kwa mauzo haki ya upeperushaji matangazo na mapato kutokana na tiketi za mechi.
Timu hiyo inasemekana imeandikisha mkataba wa miaka mitatu na kocha wa Uholanzi Louis van Gaal anayetarajiwa kuchukua pahala pa David Moyes,aliyetimuliwa mwisho wa mwezi uliopita kufuatia msururu wa matokeo duni.
Tangazo rasmi litatolewa juma lijalo baada ya Kocha huyo kukamilisha maandalizi ya mechi ya kujipima nguvu dhidi ya timu ya Equador.

Louis van Gaal anatarajiwa kutangazwa kuwa kocha kwa miaka 3

Naibu mwenyekiti wa klabu hicho Ed Woodward aliwaambia wenye hisa wa klabu kuwa klabu hiyo imesajili faida ya zaidi ya asilimia 20% na kuiweka katika nafasi nzuri ya kuimarisha kikosi chake kabla ya kuanza kwa msimu ujao.

Ed Woodward,kaimu mwenyekiti Man Utd" ''mnajua hatukufanya vyema msimu uliopita na tulimaliza katika nafasi ya 7 nje ya mshindano yeyote ya bara Uropa kwa hivyo hatuna budi kununua wachezaji ilikuimarisha uwezo wa timu yetu katika msimu ujao'."Asilimia kubwa ya faida hiyo (£42.8m) ilitokana na kuimarika kwa malipo ya udhamini kutokana na kandarasi iliyotiwa sahihi na kampuni za Aperol na Eurofood iliyoko Asia kusini.

Mapato kutokana na hati ya upeperushaji wa mechi za timu hiyo yaliimarika kwa asili mia 64 ama pauni milioni 35.6m ilihali faida iliyotokana na uuzaji wa tiketi za mechi ilileta pauni milioni £37.1m.
Kutokana na faida hiyo kubwa Manchester united ilipunguza deni lake kwa takriban pauni milioni 16 na sasa deni lililosalia ni pauni milioni £351.7m.
Kulingana na kampuni ya uhasibu ya Deloitte Football Money League, Manchester United inaorodheshwa ya nne bora miongoni mwa vilabu tajiri zaidi duniani.
Hisa zaklabu hiyo zilianza kuuzwa kwenye soko la hisa la New York Stock Exchange mwaka wa 2012 .

Azam FC ya yamtimua kocha wao

Huku ligi kuu soka Tanzania Bara ikiwa imekamilisha mzunguko wake wa kwanza hii leo,timu ya Azam FC ya Dar es Salaam imetangaza kusitisha mkataba na kocha wake mkuu Stewart Hall wa Uingereza kwa kile kilichoelezwa kama makubaliano ya pamoja.

Kwa Mujibu wa taarifa iliyotolewa kwenye mtandao wa klabu hiyo jijini Dar es Salaam, hii itakuwa ni mara ya pili kwa kocha huyo kuachana na klabu ya Azam na ameafikiana na uongozi wa klabu hiyo baada ya kukamilisha mzunguko wa kwanza wa ligi hiyo ambapo timu ya Azam sasa inashika nafasi ya Pili baada ya kwenda sare ya mabao 3-3 na timu ya Mbeya City ambapo zote sasa zina Pointi 27. Bingwa mtetezi timu ya Yanga inaongoza ligi hiyo kwa sasa ikiwa na pointi 28 baada ya kuinyuka Oljoro JKT mabao 3-0 katika mchezo wa mwisho wa mzunguko wa kwanza wa ligi hiyo, maaruf kama Vodacom Premier League.

Klabu ya Azam FC inayoinukia kwa ubora wa miundo mbinu huku ikiendeshwa kisasa kwa mipango inayoeleweka kinyume na klabu nyingi nchini Tanzania imekuwa ikifanya vema chini ya mwalimu huyo ambapo msimu uliopita aliiwezesha kushiriki michuano ya Kombe la Shirikisho barani Afrika baada ya kushika nafasi ya Pili katika Ligi kuu msimu uliopita.

Klabu hiyo inao wachezaji kadhaa wa Kulipwa kutoka nchi za Ivory Coast, Kenya na Uganda. Kuachia ngazi kwa kocha huyo kunaelezwa kuwa kumekuwa kwa mkakati ili kusiathiri mwenendo wa timu hususan wakati ligi ikiendelea na sasa kutaiwezesha Azam FC Kutafuta kocha mwingine hususan wakati huu ambapo ligi imefikia mapumziko.

Mourinho apuuza ushindi wa Bayern

 31 Agosti, 2013 

Bayern Munich dhidi ya Chelsea

Jose Mourinho alidai baada ya mechi kua timu bora ndiyo iliyopoteza kufuatia ushindi wa Bayern Munich dhidi ya watu 10 wa Chelsea kwa matuta 5-4 kufuatia suluhu ya bao 2-2 katika mchuano wa kombe la Uefa la Super Cup.

Chelsea ilionekana kukaribia ushindi zikiwa zimesalia sekunde chache kipenga cha kumaliza mechi kipigwe mjini Prague, lakini mchezaji aliyeingizwa katika mda wa majeruhi Javi Martinez akarudisha na kusababisha mda wa ziada na hivyo kusababisha mshindi aamuliwe kwa njia ya matuta.
Mchezaji Romelu Lukaku ndiye aliyekosa mkwaju wa mwisho ambao ungeamua mshindi lakini Mourinho hata hivyo kama kawaida alionekana kua katika hali ya ubabe bila kutaka kukubali matokeo.
"timu bora wazi wazi imepoteza," alisema. "wametushinda kwa sababu ya kufunga mkwaju mmoja zaidi yetu."
Awali mshambuliaji Fernando Torres aliipa Chelsea bao la kwanza katika kipindi cha kwanza lakini Franck Ribery akarudisha dakika mbili baada ya kipindi cha pili kuanza na kupelekea mchezo uingia mda wa ziada.
Mnamo dakika ya 85 mcheza kiungo Ramires akaonyeshwa kadi nyekundu na kuwaacha washindi wa Ligi ya Europa League uchi. Ingawa Eden Hazard aliirejeshea Chelsea matumaini katika kipindi hiki cha ziada, Martinez aliusukuma mpira wavuni sekunde chache kabla ya kipenga cha mwisho kusababisha mechi kuamuliwa kupitia matuta.

Man United wafungwa na watani wa jadi kuwndeleza mwanzo wa kusua sua wa man united na Livepool

 1 Septemba, 2013 

Liverpool waichapa Manchester United

Liverpool imejiweka katika nafasi nzuri sana kwenye ligi ya Uingereza baada ya kuwazima mabingwa wa ligi hiyo Manchester United kwa bao moja kwa bila katika uwanja wa Anfield.

Taarifa zinazohusiana

Hii ni mara ya kwanza kabisa kwa Liverpool kuwa katika nasafi kama hii mwanzo mwanzo wa ligi tangu mwaka 1995.
Pia Liverpool inakuwa timu ya kwanza tangu mwaka 2011 kucheza mechi tatu mfululizo katika ligi hiyo bila ya kufungwa goli lolote.
Ilikuwa fursa nzuri kwa kuhitimisha miaka 24 tangu kuzaliwa kwa kuipatia Liverpool bao hilo la pekee na la ushindi.
Mwamba huyo alifunga bao hilo kwa ustadi mkubwa kwani alifunga kwa kichwa safi ambapo kipa wa Man U De Gea alishtukia wavu ukitikisika.
Ni mara ya tatu mfululizo kwa Sturridge kuivungia timu yake tangu ligi hii ya Uingereza ianze.

Daniel Sturridge mfunganji wa Liverpool

Kushindwa kwa Manchester United inachafua rekodi ya kocha wao mpya David Moyes kwani hata akiwa mkufunzi wa Everton hajawahi kuingozi timu yake kuifunga Liverpool katika uwanja wa Anfield.
Hata Robin van Persie alikuwa na siku mbaya kwani alikuwa na wakati mgumu kumfunga kipa mpya wa Liverpool Simon Mignolet, ambaye alizima ndoto ya Man U ya kupata bao.
Tangu mlinda lango huyo Mignolet, kuhamia Anfield kutoka Sunderland kwa kima cha £9m hajafungwa bao hata moja.

Orodha ya wachezaji

Liverpool
22 Mignolet
02 Johnson (Wisdom - 79' )
03 Jose Enrique
05 Agger
37 Skrtel
08 Gerrard
09 Aspas Booked (Sterling - 60' )
10 Coutinho (Alberto - 84' )
14 Henderson
21 Lucas Booked
15 Sturridge
Wachezaji wa akiba
01 Jones
34 Kelly
38 Flanagan
47 Wisdom
06 Alberto
31 Sterling
33 Ibe
Manchester United
01 De Gea
03 Evra
04 Jones (Valencia - 37' )
05 Ferdinand
15 Vidic
11 Giggs (Hernandez - 73' )
16 Carrick Booked
18 Young Booked (Nani - 63' )
19 Welbeck
23 Cleverley Booked
20 Van Persie Booked
Wachezaji wa akiba
13 Lindegaard
12 Smalling
28 Buttner
08 Anderson
17 Nani
25 Valencia
14 Hernandez

Arsenal waifunga watani wao wa jadi wa london Tottenham kwa goli moja kwa bila

 2Septemba, 2013 

o ya kutofungwa na Tottenham katika uwanja wao wa nyumbani baada ya kuwazaba vijana wa Andre Villas-Boas bao moja kwa sufuri.

Arsenal waifunga Tottenham

Tangu mwaka wa 1993 Tottenham imewahi kuifunga Arsenal nyumbani mara moja tu.

Taarifa zinazohusiana

• Kandanda

Kwa kocha huyo mreno ni siku ya masikitiko kwani ndio mechi yake ya kwanza kwa timu yake kupoteza tangu msimu huu uanze.
Ilikuwa ni katika dakika ya 23 wakati Olivier Giroud alipofunga baada ya kupewa pasi na Theo Walcott .
Katika dakika za lala salama za kipindi cha pili licha ya Tottenham kujenga hema katika ngome ya Arsenal lakini kipa Wojciech Szczesny alifanya kazi ya ziada kwa kuokoa mkwaju wa Jermain Defoe hivyo kuwanyima vijana wa Villas-Boas nafasi ya kulikomboa bao hilo.
Ushindi huu unamaanzisha kuwa vijana wa Arsene Wenger wamepanda hadi nafasi ya nne katika jedwali la ligi hiyo ya Uingereza.

Orodha ya Wachezaji

Arsenal
01 Szczesny
04 Mertesacker
06 Koscielny
25 Jenkinson
28 Gibbs
07 Rosicky Booked (Monreal - 79' )
10 Wilshere (Flamini - 43' Booked )
14 Walcott (Sagna - 90' )
16 Ramsey
19 Cazorla
12 Giroud
Wachezaji wa akiba
21 Fabianski
03 Sagna
17 Monreal
20 Flamini
44 Gnabry
58 Gedion Zelalem
22 Sanogo
Tottenham Hotspur
25 Lloris
02 Walker
03 Rose
05 Vertonghen
20 Dawson
08 Paulinho
15 Capoue (Sandro - 75' )
17 Townsend (Lamela - 75' )
19 Dembele (Defoe - 69' Booked )
21 Chadli
09 Soldado Booked
Wachezaji wa akiba
24 Friedel
16 Naughton
14 Holtby
22 Sigurdsson
30 Sandro
33 Lamela
18 Defo